Díli, 04/10/2024, Vise-Prezidente Komisaun Ezekutiva BTL, E.P, ba Asuntu Sistema Bee Saneamentu no Drenajen, Gustavo da Cruz, akonapaña hosi Diretór DEI no Jestór ba Peskiza, Projetu no GIS, partisipa serimónia Asina Akordu kona-bá kompra no venda / Eskritura Públiku ba afetadus uma kain 12, ne’ebé lokaliza iha Bebonuk, futuru atu harii fatin tratamentu bee foer, asina akordu ne’e, hala’o iha Ministériu Justiça.
Objetivu hosi asina akordu ida ne’e, tamba parte governu no família afetadu sira, iha ona konkordansia, hodi halo prosesu indeminazasaun, nune’e parte governu bele kontinua servisu ba faze tuir mai.
Governu sei halo indeminazasaun ba família afetadu sira, tuir estimasaun hamutik dollar amerikanu Millaun $ 4,8.
Iha serimónia ne’e, partisipa direita hosi S.E Ministru Justiça, Sergio Hornai, S.E Vise-Ministru ba Fortalesimentu Institusional, Paulo Manuel da Silva dos Remedios, Diretór Ezekutivu MCA-TL, Sr. Constâncio Pinto no família afetadu sira.
Share on Social Media:
