Díli, 20/09/2024, Vise-Prezidente KE BTL, E.P, ba Asuntu Boa Governasaun no Fortalesimentu Institusional, Elizabeth Amaral, ensera ba Formasaun Kona-bá Asédiu Seksuál & Violénsia Bazeia ba Jéneru, ne’ebé fasilita hosi ekipa JU,S Jurídiku Sosiál, ne’ebé hetan apoia hosi UN Women, ba direjente BTL, E.P no mos funsionáriu sira, hamutuk 30, atividade ne’e realiza iha Salaun Enkontru BTL, E.P, Caicoli.
Formasaun ida ne’e, hala’o liu hosi koperasaun, ne’ebé maka entre BTL, E.P asina ona memorandu entidementu, ne’ebé atividade barak maka la’o ona to’o ohin loron.
Formasaun ida ne’e, hala’o durante loron tolu, ne’ebé partisipa maxímu hosi funsionáriu sira, iha nasionál no mos iha munisípiu sira seluk, kuaze ema nain 30, nune’e partisipante hirak ne’e, hanesan pontu fokál, ne’ebé servisu iha kada departamentu ida nia reprezentante mai tuir, wainhira iha aprende no iha koñesimentu barak hosi formasaun ne’e, bele ba partilla fila fali ba kolega sira seluk, ne’ebé seidauk hetan oportunidade hodi tuir formasaun ne’e rasik.
Ezekutivu ne’e afirma katak, sei kontinua servisu hamutuk ho JU,S Jurídiku Sosiál, atu bele dezenvolve di’ak liu tan, oinsa maka funsionáriu sira hasoru situasaun hirak ne’e, bele halo keixa, denunsia, hodi aplika asaun disiplinar no foti desizaun ikus ba aktu, ne’ebé ajente komete.
Iha fatin hanesan, Programa Manager TUE, Nuntana Tangwinit hatete, Un Women nia mandatu, atu promove igualdade jeneru, inklui violasaun sira, ne’ebé iha espasu públiku no iha entidade governu sira, ne’ebé bele fo seguru ba funsionáriu sira, iha servisu fatin.
Hafoin formasaun ne’e, JU,S Jurídiku Sosiál, atribui mos sertifikadu ba partisipante sira.
Share on Social Media:
