Ermera, 16/05/2023. Hafoin partisipa iha seremónia lansamentu fatuk dahuluk ba projetu reabilitasaun hosi Postu-administrativu Letefoho bá Postu-administrativu Hatubuilico ne’e, Vise-Prezidente Komisaun Ezekutiva (KE) Bee Timor-Leste, Empreza Públika (BTL, E.P), ba Asuntu Sistema Bee, Saneamentu no Drenajen, Sr. Gustavo, kontinua kedas hala’o vizita ba edifísiu BTL, E.P nian, iha Gleno, munisípiu Ermera.
Objetivu hosi vizita ne’e, hodi observa kondisaun funsionáriu nian no servisu hirak ne’ebé sira halo. Ezekutivu BTL, E.P mos enkoraja nafatin funsionáriu sira, atu hala’o servisu tuir planu ne’eb’e iha no servisu ho responsabilidade no di’ak, hodi servi populasaun Ermera, liuhosi fornesimentu bee moos ba sira.
Alende ne’e, Vise-Prezidente KE BTL, E.P mos husu ba funsionáriu sira, liu-liu ba tékniku sira, wainhira ezekuta servisu iha terrenu, proteje aan hosi risku sira, tanba tékniku sira sempre hala’o knaar iha fatin hirak ne’ebé mak risku ho nune’e tenke kuidadu aan, hodi evita problema sériu sira nomos nafatin tau atensaun mos ba sira nia saúde, atu nune’e saúde di’ak hodi kontinua halo atividade lor-loron nian.
Share on Social Media:
