Díli, 07/10/2022, Prezidente K.E BTL, E.P, Eng. Carlos Peloi dos Reis, hamutuk ho Vise-Ministru Finansas ho ekipa, hala’o enkontru ho ekipa Timor Port, ne’ebé realiza iha edifísiu Timor Port Tibar.
Iha enkontru ne’e, atu halo kordenasaun servisu, entre governu ho Timor Port, oinsa bele dezenvolve di’ak Portu refere, atu bele uza fasilidade ba tempu naruk.
Iha biban ne’e, Prezidente BTL, E.P hatete, BTL, E.P sei kontinua apoia bee, hodi fornese ba Portu, tamba antes kedas kanaliza ona bee, direita ba Portu, ne’ebé durante ne’e uza ba halo konstrusaun to’o finaliza.
Ho nune’e mak liu husi oportunidade ne’e, bele diskute, oinsa bele servisu hamutuk nafatin ba oin, hodi bele garante nafatin, fornese bee ba Portu, hodi bele responde ba nesesidade loron-loron.
Share on Social Media:
