Díli, 17/01/2024, Tékniku Operadór zona 3 hamutuk ho estajiáriu sira husi Dom Bosco, ohin mellora ona sistema bee moos, hodi installa Polly Pipe 32 mm no reduz ba polly pipe 25 mm kanaliza bee ba sintina públiku iha Merkadu Manleuana.
Ejijensia ne’e, mai husi vendedor sira, ne’ebé halo atividade negósiu iha merkadu manleuana, informa katak, liu-liu iha Sintina Públiku ne’e, bee laiha, ho kestaun ne’e ekipa husi Sekretária Estadu Eletrisidade Bee no Saneamentu tun ba terrenu hodi halo observasaun.
Hafoin halo observasaun loron hira liu ba, Superior husi SEEAS no BTL, E.P fo orientasaun ba tékniku operadór zona 3, hodi mellora sistema bee iha merkadu manleuana refere, ho intervensaun ne’e, konsege rezolve ona, bee dadaun ne’e sai ona iha estasaun tanke, ne’ebé harii ona.
Maibé ekipa konjunta ne’e, sei kontinua kordena ho ekipa Jestaun merkadu Manleuana, hodi bele aranja Sanyo, nune’e bele supa bee husi tanke profil ba Tanke ezistente, maka foin bele distribui bee ba sintina públiku hirak ne’ebé governu konstrui ona.
Vendedór sira sira kontente tamba bee sai ona, hodi fasilita sira utiliza ba nesesidade loron-loron
Share on Social Media:
