Díli, 06/06/2023. Vise-Prezidente Komisaun Ezekutiva (KE) Bee Timor-Leste, Empreza Públika (BTL, E.P) ba Asuntu Sistema Bee, Saneamentu no Drenajen, Sr. Gustavo da Cruz, akompaña hosi ekipa Jurídiku partisipa iha semináriu nasionál kona-bá Konsultasaun “Esbosu Alterasaun Dekretu Lei nú. 4/2004 de 11 de Fevereiro ne’ebé aprova ou ko’alia kona-bá Rejime Distribuisaun Bee ba Konsumu Públiku, ne’ebé organiza hosi ANAS, I.P no hetan apoia hosi parseiru PARTISIPA. Atividade semináriu ne’e realiza iha salaun enkontru, otél City 8, Has-Laran, Manleuana, Díli.
Objetivu hosi semináriu nasionál ne’e, hodi konsulta ho partisipante sira hosi parte relevantes nune’e bele fahe hanoin, esperiénsia no fó sujestaun ou rekomendasaun balun, hodi sinkroniza no atualiza Dekretu Lei nú. 4/2004 bazeia ba mudansa lei no polítika relevante ne’ebé mak iha.
Durante iha semináriu ne’e, Diretór-Jerál Dezentralizasaun Administrativa hosi Ministériu Administrasaun Estatál (MAE) aprezenta kona-bá introdusaun Lei 23/2021, 10 de Novembro: Lei Poder Lokál no Dezentralizasaun Administrativa liga ho kompeténsia ANAS, I.P no BTL, E.P nian nomos ekipa téknika hosi ANAS, I.P halo mos aprezentasaun kona-bá alterasaun DL nú. 4/2004. Hafoin aprezentasaun iha mos sesaun ba diskusaun nian, relasiona ho aprezentasaun refere.
Partisipa iha reuniaun ne’e, entidade sira ne'ebé mai hosi MAE, SMASA, BTL, E.P, PARSEIRU PARTISIPA no ANAS, I.P rasik.
Share on Social Media:
