Díli, 03/04/2025. Vise-Prezidente Komisaun Ezekutiva (KE) Bee Timor-Leste Empreza Públika (BTL, E.P) ba Asuntu Tékniku, Sr. José Filipe Ximenes Smith partisipa iha lansamentu Balkaun Úniku munisípiu Díli nian, ne’ebé realiza iha resintu Administrasaun Munisipiu Díli.
Ezisténsia Balkaun Úniku ne'e tanba servisu hamutuk entre Governu da-IX liuhosi Ministériu Administrasaun Estatál (MAE) ho UNDP no ohin lansa direta hosi S.E Prezidente Repúblika (PR), José Ramos Horta, no S.E Primeiru-Ministru (PM), Kay Rala Xanana Gusmão, akompaña hosi Ministru Administrasaun Estatál, Ministru Justisa, Embaixadora Portugal iha TL, reprezentante UNDP no Uniaun Europeia.
Estabelesimentu Balkaun Úniku ne’e ho objetivu atu hakbesik prestasaun servisu ba sidadaun sira, moderniza no simplifika servisu atendimentu ba públiku ho lalais no fásil nomos promove transparénsia no boa governasaun.
Partisipa iha lansamentu ne’e, membru Governu, membru Parlamentu Nasionál, Diplomata sira, Autoridade Lokál no konvidadu relevante sira seluk.
Share on Social Media:
