๐๐ขฬ๐ฅ๐ข, ๐๐ ๐๐๐ง๐๐ข๐ซ๐ฎ ๐๐๐๐. Vise-Prezidente Komisaun Ezekutiva (KE) Bee Timor-Leste, Empreza Públika (BTL, E.P) ba Asuntu Tékniku, José Filipe Ximenes Smith nafatin tun bá terrenu, hodi monitoriza regulár servisu resposta emerjénsia ba instalasaun no solda kanu distribuisaun, iha Becora, ponte Maufelo nian, Postu-administrivu Cristo Rei.
Monitorizasaun ne’e, hodi haree direta servisu fíziku iha terrenu, iha biban ne’e, Vise-Prezidente KE BTL, E.P ba Asuntu Tékniku, enkoraja ekipa BTL, E.P ne’ebé instala no solda hela kanu iha ponte Maufelo nian, atu hala’o knaar ho didi’ak no atensaun nomos tenke kuidadu-aan, durante halo servisu iha terrenu.
Hosi parte ponte Maufelo nian, Ezekutivu ne’e kontinua observa kanu kanalizasaun ne’ebé afeta hosi projetu alargamentu estrada, iha Auhun. Vise-Prezidente ba Asuntu Tékniku, nafatin koordena ho parte MOP no husu ba kompañia ne’ebé kaer obra alargamentu estrada ne’e, wainhira halo servisu ou ke’e rai, tenke tau atensaun ba kanu sira ne’ebé instala ona iha fatin refere, nune’e evita kanu estragu ou labele fó impaktu ba liña distribuisaun sira.
Nune’e mos, Ezekutivu BTL, E.P orienta tékniku O&M BTL, E.P nian, atu aselera servisu reparasaun kanu distribuisaun ne’ebé kotu ne’e, iha área Auhun nian, nune’e bele normaliza fila-fali fornesimentu bee moos ba konsumidór sira, ne’ebé durante ne’e asesu bee moos hosi liña distribuisaun refere
Share on Social Media:
