Aileu, 21/04/2023, Ekipa Tékniku Operadór Zona 3, apoia husi tékniku operadór zona 4 no Task Force, solda hikas kanu Transmisaun DN 300 mm, ne’ebé nakfera iha Aldeia 02 Berliumet, Suku Tohumetan, Postu Administrativu Laulara, Munisípiu Aileu.
Ho kanu kuak ne’e, bee sulin estraga de’it, tamba ne’e ekipa BTL, E.P halo intervensaun imediatu ida ne’e, hodi bele rezolve fila fali.
Ekipa dadaun ne’e halo hela esforsu iha terrenu, hodi bele hadi’a hikas kanu kuak refere, nune’e aban bele distribui nafatin bee ba konsumidór sira, ne’ebé maka durante ne’e asesu direita ba sistema gravitasaun refere.
Share on Social Media:
