Manatuto, 18/01/2023, Tékniku Operadór (TO) Bee Timor-Leste, Empreza Públika (BTL, E.P), munisípiu Manatuto, halo manutensaun ba kanu distribuisaun bee PE NOD 50mm ne’ebé intupidu, hodi prejudika abastesimentu bee ba konsumidór sira, iha área Inkero, ne’ebé lokaliza suku Aiteas, postu-administrativu Manatuto Villa, munisípiu Manatuto.
Tuir informasaun hosi BTL, E.P Manatuto, kanu distribuisaun bee ne’ebé intupidu ne’e, kauza hosi hali abut ne’ebé taka metin kanál sirkulasaun bee, hodi afeta direta ba kliente sira iha suku Aiteas, durante semana ida labele asesu bee, maibé hafoin identifika intupidu ne’e, tékniku sira konsege normaliza no daudaun ne’e sirkulasaun bee la normál ona no téknikir abelele fornese hikas bee ba komunidade sira, iha área refere.
Iha loron hanesan ekipa BTL, E.P seluk, ne’ebé kompostu hosi Tékniku Operadór, Apoiu Kliente, nomos Ofisiál Administrasaun no Finansas tun ba terrenu, hodi ko’alia no fahe resivu ba kliente sira ne’ebé durante fulan tolu ona la selu tarifa bee, maske sira asesu hela kanalizasaun bee hosi BTL, E.P.
Tuir regras kliente sira ne’ebé asesu ona kanalizasaun bee hosi BTL, E.P, iha obrigasaun hodi selu tarifa bee moos, atu nune’e bele kontribui reseitas ba kofre Estadu nomos hodi garante kustu ba nesesidade operasaun no manutensaun ba sistema bee moos.
Share on Social Media:
