Bobonaro, 20/01/2023, Tékniku Opreadór (TO) Bee Timor-Leste, Empreza Públika (BTL, E.P) munisípiu Bobonaro kanaliza bee ba postu seguransa Unidade Patrullamentu Fronteira (UPF), iha área ponte Nunura, ne’ebé lokaliza iha suku Leohitu, munisípiu Bobonaro.
Ho kanalizasaun bee ba postu UPF ne’e, hodi lori bee hakbesik ba postu ne’e no bele fasilita ona parte seguransa sira nia nesesidade lor-loron nian, durante hala'o knaar iha fatin refere.
Tuir informsaun hosi Koordenadór BTL, E.P munisípiu Bobonaro katak, postu seguransa ne’e foin harii no seidauk asesu ba bee, tanba ne’e BTL, E.P munípiu Bobonaro hetan orientasaun hosi Prezidente KE BTL, E.P, atu bele kanaliza bee ba postu refere, nune’e bele fasilita parte seguransa sira nia servisu iha postu ne’e rasik, tanba ne’e ohin tékniku sira konsege ezekuta servisu hodi dada bee ba postu ne’e.
Parte segurante sente kontente no agradese ba Prezidente Komisaun Ezekutiva (KE) Bee Timor-Leste, Empreza Públika (BTL, E.P) ho nia estrutura tomak hosi nasionál to’o munisípiu, tanba sira bele asesu ona ba bee moos.
Enkuantu rekursu bee ne’ebé tékniku operadór sira utiliza hodi kanaliza bee ba postu refere, mak bee matan Nunura ho distánsia metru 310 hosi bee matan ba postu UPF ne’e
Share on Social Media:
