Manufahi, 04/01/2023, Tékniku Opreadór (TO), Bee Timor-Leste, Empreza Públika (BTL, E.P) munisípiu Manufahi halo ligasaun bee foun ba postu Polísia Tránzitu (PolTranz), ne’ebé lokaliza iha Merkadu Lama Same, aldeia Rialau, suku Letefoho, postu-administrativu Same, munisípiu Manufahi.
Tuir informasaun hosi BTL, E.P Manufahi katak, durante ne’e, bee iha postu seguransa ne’e laiha, tanba ne’e mak Segundu Komandante PNTL munisípiu Manufahi diretamente hakat bá edifísiu BTL, E.P hodi hato’o kestaun ne’e ba Koordenadór BTL, E.P Manufahi, atu bele tau iha haree no konsiderasaun ba pedidu refere.
Hafoin simu tiha pedidu hosi parte seguransa, Koordenadór BTL, E.P munisípiu Manufahi fó kedas orientasaun ba tékniku operadór sira, atu bele rezolve kestaun ne’e no ohin tékniku sira konsege halo ligasaun ba postu Polísia Manufahi, nune’e hodi fasilita nesesidade ajente PNTl nian, durante hala'o servisu iha postu ne’e.
Share on Social Media:
