Lautém, 20/12/2022, Tékniku Operadór (TO) Bee Timor-Leste, Empreza Públika (BTL, E.P) munisípiu Lautém hamutuk ho traballadór Mão de Obra (MdO) halo reparasaun ba sistema distribuisaun ne’ebé liga ba komunidade sira nia hela fatin, iha aldeia Central no Bemoris, munisípiu Manatuto.
Tuir informasaun hosi BTL, E.P Lautém katak, kanu distribuisaun ne’ebé liga ba komunidade sira nia uma ne’e ku’ak, tanba kanu refere tuan no feruzen ona, nune’e rezulta kanu ku’ak, nune’e provoka presaun bee kiik nomos sirkulasaun bee ba komunidade sira kiik, tanba bee sulin estraga hosi kanu ne’ebé ku’ak.
Ho estragus ne’e tékniku sira tun kedas ba terenu hodi hadi’a kanu refere, no kanu ne’ebé ku’ak ne’e, liga ba uma kain tolu, iha aldeia Central no Bemoris. Hafoin reparasaun distribuisaun bee ba abitante uma kain tolu ne’e la’o normál fila-fali no kliente sira ne’e bele asesu hikas bee.
Share on Social Media:
