Díli, 27/09/2022. Tekniku Operadór (T.O) Bee Timor-Leste, Empreza Públika (BTL, E.P) Zona 3, iha loron 26 fulan Setembru tinan ne'e, mobiliza materiál hanesan kanu poly PE 40mm no semente hodi kontinua halo melloramentu ba liña distribuisaun bee, iha aldeia Fomento II, postu-administrativu Dom Aleixo, munisípiu Díli.
Iha atividade melloramentu ne’e, tékniku sira uza mákina hodi ke’e rai ou ko’a aspal, nune’e hodi latan no hakoi liña distribuisaun hirak ne’e, hafoin finaliza tékniku sira cor ou nahe kedas fatin ne'ebé hodi tau ou latan liña distribuisaun refere, atu nune’e labele hetan estragus ou aat.
Tuir informasaun hosi terrenu katak, tékniku sira kontinua halo melloramentu ba kanu distribuisaun hirak ne’e, hafoin remata mak foin bele instala metru kontadór foun, atu nune’e, konsumidór sira bele kontribui reseitas.
Tékniku sira kontinua melloramentu ba liña distribuisaun hirak ne’e, hodi garante fornesimentu bee ba komunidade sira iha fatin ne’e, tuir papel no planu BTL, E.P nian ne’ebé define ona katak, alende promove projetu sistema bee foun, iha sorin seluk BTL, E.P mos kontinua halo melloramentu ba sistema hirak ne’ebé ezistente, atu nune’e bele garante bee bele sufisiente ba ema hotu-hotu.
Share on Social Media:
