Díli, 30/11/2022, Tékniku Operadór (TO) Bee Timor-Leste, Empreza Públika (BTL, E.P Zona 5 finaliza servisu manutensaun ba kanu distribuisaun bee, iha área Correios, suku Lahane Ocidental, postu-administrativu Vera Cruz, munisípiu Díli.
Tuir informasaun hosi terrenu katak, kanu distribuisaun ne’e nakfera, kauza hosi kanu tuan ou antigu ona, nune’e rezulta kanu nakfera, hodi difikulta fornesimentu bee ba konsumidór sira iha área Lahane Ocidental.
Nune’e ho estragus ne’e, tékniku sira mobiliza materiál no tun kedas ba terrenu, hodi halo intervensaun durante loron rua no ohin konsege rezolve hikas estragus ne’e.
Hafoin finaliza atividade manutensaun, tékniku operadór Zona 5 koko loke bee, hodi distribui hosi kanu refere, nune;e bele haree nia rezultadu, hafoin distribui bee la sulin ona hosi kanu ne’e, nune’e tékniku sira bele fornese hikas bee ba komunidade sira ne’ebé durante ne’e asesu bee hosi liña distribuisaun refere.
Share on Social Media:
