info@btl.tl 3311539

Reuniaun Ordinária Konsellu Administrasaun BTL, E.P

𝐃𝐢́𝐥𝐢, 𝐒𝐞𝐠𝐮𝐧𝐝𝐚-𝐟𝐞𝐢𝐫𝐚 𝟏𝟔 𝐍𝐨𝐯𝐞𝐦𝐛𝐫𝐮 𝟐𝟎𝟐𝟔
 
Konsellu Administrasaun (KA) Bee Timor-Leste, Empreza Públika (BTL, E.P) konvoka reuniaun ordinária ba tinan 2026 nian, ne’ebé realiza iha sala reuniaun Ezekutivu BTL, E.P, Caicoli.
 
Reuniaun Konsellu Administrasaun ohin nian, hodi halo diskusaun no apresiasaun ba relatóriu servisu trimestre datoluk (Q3) tinan 2026 nian nomos revizaun dahuluk planu orsamentu tinan fiskál 2026 nian, molok submete ba Ministru Obras Públikas (MOP).
 
Relatóriu Q3 no revizaun ba planu orsamentu tinan 2026 ne’e, aprezenta hosi Jestora Finansas no Akuntabilidade no Koordenadora Sekretária Komisaun Ezekutiva BTL, E.P nian.
 
Enkontru ne'e, lidera hosi Prezidente KA, Gustavo da Cruz no partisipa hosi Vise-Prezidente KA, José Filipe Ximenes Smith no Vogál KA nain rua, Manuel Tomás Amaral de Carvalho no Francisco da Silva.


Share on Social Media: