Díli, 06/10/2023. Diretór Operasaun no Manutensaun (DOM) Bee Timor-Leste Empreza Públika (BTL, E.P) ho ekipa hamutuk ho ekipa hosi parseiru Japan International Cooperation Agency-JICA halo monitorizasaun ba projetu reabilitasaun emerjénsia intake Bemos.
Atividade monitorizasaun ne'e, hodi haree ou observa direta projetu fíziku iha terrenu, nune'e bele garante kualidade obra refere nomos bele hatene persentajen hosi obra ne'e rasik.
Bazeia ba rezultadu monitorizasaun nian, projetu reabilitasaun emerjénsia intake Bemos, daudaun ne'e atinji ona pursentu 95 (95%).
Enkuantu projetu reabibilitasaun ne'e, hetan apoiu fundus hosi JICA no implementa hosi Kompañia Thobishima. Nune'e ho persentajen ne'ebé iha, iha tempu badak bele entrega ona obra refere ba BTL, E.P hodi jere nomos halo manutensaun wainhira iha futuru mak falla ou hetan estragu ruma.
Alende ne'e, Diretór O&M ho ekipa kontinua observa mos servisu konstrusaun uma operadór nian ne'ebé hahú ona, iha intake Bemos nian
Share on Social Media:
