Díli, 15/02/2024, Prezidente Komisaun Ezekutiva BTL, E.P, Eng. Carlos Peloi dos Reis, akompaña DIretór Engeñaria no Investimentu BTL, E.P, Jestór RP & GIZ BTL, partisipa semináriu nasionál kona-bá “Regra no Prosedimentu ba Dezenvolvimentu Infraestrutura iha Timor-Leste”, atividade ne’e hala’o iha Ministériu Finanças, Ai-tarak, Díli.
Semináriu nasionál ne’e, abertura direita husi, Primeiru Ministru, Kay Rala Xanana Gusmão, ne’ebé husu ba membru governu, governu lokál no entidade hotu-hotu, atu servisu hamutuk, hodi dezenvolve timor-Leste, nune’e mos jere osan povu nian ho transparansia.
Iha biban ne’e mos xefe governu kongratula ba parseiru internasionál sira hanesan, JICA, ADB, Banku Mundiál, UNICEF no mos parseiru sira seluk, ne’ebé durante ne’e fo ona apoia no asistensia ba setór infraestrutura nian, Ho nune’e ba oin bele kontinua apoia hodi dezenvolve di’ak liu tan ba prosesu dezenvolvimentu iha setór infraestrutura.
Semináriu nasionál ne’e, partisipa maxímu husi membru governu, membru parlamentu nasionál, parsieiru internasionál, Autoridade Munisipál no entidade sira seluk.
Share on Social Media:
