Díli, 26/07/2024. Prezidente Komisaun Ezekutiva (KE) Bee Timor-Leste, Empreza Públika (BTL, E.P), Eng. Carlos Peloi dos Reis partisipa iha Lansamentu ba Relatóriu Sensu Fó Fila-Fali 2022, ne’ebé realiza iha salaun auditoria Kay Rala Xanana Gusmão, Ministériu Finansas, Aitarak-Laran, Díli.
Relatóriu Sensu Fó Fila-Fali 2022 lansa direta hosi S.E Primeiru Ministru (PM), Kay Rala Xanana Gusmão, ho tema “𝐼𝑡𝑎 ℎ𝑎𝑡𝑒𝑛𝑒 𝑙𝑖𝑢𝑡𝑎́𝑛 𝑘𝑜𝑛𝑎-𝑏𝑎́ 𝑖𝑡𝑎-𝑛𝑖𝑎 𝑠𝑢𝑘𝑢, 𝑖𝑡𝑎 𝑏𝑒𝑙𝑒 ℎ𝑎𝑑𝑖’𝑎 𝑖𝑡𝑎-𝑛𝑖𝑎 𝑛𝑎𝑠𝑎𝑢𝑛”. Projetu ida ne’e ho objetivu, atu inspira no ajuda nain ulun sira iha komunidade atu involve no lori prosesu dezenvolvimentu iha sira-nia suku. Semináriu Sensu Fó Fila-Fali ne’e, fó hatene ba líder komunitária, ideia ida ne’ebé klaru kona-bá situasaun loloos, iha sira-nia suku, munisípiu no nível nasionál.
Iha diskursu, S.E Xefe Governu, Kay Rala Xanana Gusmão hatete, rezultadu relatóriu sensu tinan 2022 ne’e, atu tulun governu ba implementasaun planu polítika ne’ebé di’ak, hodi fó benefísiu ba povu Timor-Leste.
“𝐼𝑡𝑎 𝑓𝑜́ 𝑖𝑚𝑝𝑜𝑟𝑡𝑎́𝑛𝑠𝑖𝑎 𝑒𝑠𝑝𝑒𝑠𝑖𝑎́𝑙 𝑏𝑎 𝑟𝑒𝑧𝑢𝑙𝑡𝑎𝑑𝑢𝑠 𝑛𝑒’𝑒𝑏𝑒́ ℎ𝑒𝑡𝑎𝑛 𝑙𝑖𝑢ℎ𝑢𝑠𝑖 𝑟𝑒𝑠𝑒𝑛𝑠𝑒𝑎𝑚𝑒𝑛𝑡𝑢 2022 𝑛𝑖𝑎𝑛 𝑛𝑒’𝑒, 𝐺𝑜𝑣𝑒𝑟𝑛, 𝑎𝑡𝑢 𝑏𝑒𝑙𝑒 𝑖𝑚𝑝𝑙𝑒𝑚𝑒𝑛𝑡𝑎 𝑝𝑜𝑙𝑖́𝑡𝑖𝑘𝑎 𝑛𝑒’𝑏𝑒́ 𝑑𝑖’𝑎𝑘 𝑏𝑎 𝑖𝑡𝑎-𝑛𝑖𝑎 𝑝𝑜𝑣𝑢, 𝑡𝑒𝑛𝑘𝑒 ℎ𝑎𝑡𝑒𝑛𝑒 𝑖𝑡𝑎 𝑒𝑚𝑎 ℎ𝑖𝑟𝑎, 𝑖𝑡𝑎 𝑛𝑒’𝑒 𝑠𝑒́, 𝑖𝑡𝑎 𝑚𝑜𝑟𝑖𝑠 𝑖ℎ𝑎 𝑛𝑒’𝑒𝑏𝑒́ 𝑛𝑜 𝑚𝑜𝑟𝑖𝑠 𝑜𝑖𝑛𝑠𝑎́ 𝑙𝑜́𝑠! 𝑆𝑜́ ℎ𝑒𝑡𝑎𝑛 𝑡𝑖ℎ𝑎 𝑟𝑒𝑡𝑟𝑎𝑡𝑢 𝑟𝑒𝑎́𝑙 𝑛𝑜 𝑜𝑏𝑗𝑒𝑡𝑖𝑣𝑢 𝑖𝑑𝑎 𝑘𝑜𝑛𝑎-𝑏𝑎́ 𝑝𝑜𝑝𝑢𝑙𝑎𝑠𝑎𝑢𝑛 𝑛𝑒’𝑒𝑏𝑒́ ℎ𝑒𝑙𝑎 𝑖ℎ𝑎 𝑇𝑖𝑚𝑜𝑟-𝐿𝑒𝑠𝑡𝑒, ℎ𝑜𝑑𝑖 ℎ𝑎𝑡𝑒𝑛𝑒 𝑚𝑜𝑠 𝑠𝑖𝑟𝑎-𝑛𝑖𝑎 𝑘𝑜𝑛𝑑𝑖𝑠𝑎𝑢𝑛 𝑚𝑜𝑟𝑖𝑠, 𝑚𝑎𝑘 𝑏𝑒𝑙𝑒 ℎ𝑎𝑙𝑜 𝑝𝑙𝑎𝑛𝑢 𝑛𝑜 ℎ𝑎𝑙𝑜 𝑖𝑛𝑡𝑒𝑟𝑣𝑒𝑛𝑠𝑎𝑢𝑛 ℎ𝑜 𝑓𝑜𝑟𝑚𝑎 𝑟𝑒𝑠𝑝𝑜𝑛𝑠𝑎́𝑣𝑒𝑙, 𝑛𝑜 𝑙𝑎 𝑘𝑎𝑒𝑟 𝑜𝑛𝑎 𝑏𝑎 𝑝𝑟𝑒𝑠𝑠𝑢𝑝𝑜𝑠𝑡𝑜𝑠 𝑛𝑒’𝑒𝑏𝑒́ 𝑠𝑎𝑙𝑎, ℎ𝑜𝑑𝑖 ℎ𝑎𝑑𝑖’𝑎 𝑘𝑜𝑛𝑑𝑖𝑠𝑎𝑢𝑛 𝑚𝑜𝑟𝑖𝑠 𝑡𝑖𝑚𝑜𝑟𝑜𝑎𝑛 𝑡𝑜𝑚𝑎𝑘 𝑛𝑖𝑎𝑛. 𝑁𝑢𝑛𝑒’𝑒, ℎ𝑜 𝑟𝑒𝑧𝑢𝑙𝑡𝑎𝑑𝑢 ℎ𝑢𝑠𝑖 𝑆𝑒𝑛𝑠𝑢, 𝑖𝑡𝑎 𝑏𝑒𝑙𝑒 𝑎𝑡𝑢𝑎 𝑑𝑖’𝑎𝑘 𝑙𝑖𝑢𝑡𝑎́𝑛, 𝑡𝑢𝑖𝑟 𝑠𝑖𝑟𝑘𝑢𝑛𝑠𝑡𝑎́𝑛𝑠𝑖𝑎 𝑟𝑒𝑎́𝑙 𝑅𝑎𝑖 𝑛𝑒’𝑒 𝑛𝑖𝑎𝑛, ℎ𝑜𝑑𝑖 𝑙𝑜𝑟𝑖 𝑏𝑒𝑛𝑒𝑓𝑖́𝑠𝑖𝑢 𝑏𝑎 𝑖𝑡𝑎-𝑛𝑖𝑎 𝑃𝑜𝑣𝑜. 𝑀𝑎𝑠 𝑜𝑖𝑛𝑠𝑎́? 𝐼𝑛𝑣𝑒𝑠𝑡𝑒 𝑑𝑖’𝑎𝑘 𝑛𝑜 𝑏𝑎𝑟𝑎𝑘 𝑙𝑖𝑢𝑡𝑎́𝑛 𝑖ℎ𝑎 𝑠𝑎𝑢́𝑑𝑒, 𝑒𝑑𝑢𝑘𝑎𝑠𝑎𝑢𝑛, 𝑎𝑏𝑖𝑡𝑎𝑠𝑎𝑢𝑛 ℎ𝑜 𝑖𝑛𝑓𝑟𝑎-𝑒𝑠𝑡𝑟𝑢𝑡𝑢𝑟𝑎 𝑏𝑎́𝑧𝑖𝑘𝑎 𝑠𝑖𝑟𝑎 𝑠𝑒𝑙𝑢𝑘,” Dehan PM
Ministra Finansas (MF), Santina Viegas Cardoso liuhosi nia intervensaun esplika, dadus sensu hirak ne’e, sei apoia lideransa komunitária sira, atu foti desizaun no halo planu lokál kapasitasaun hirak ne’e, sei hakbiik koordenasaun ajuda rekursu iha sira-nia área. Líder komunitária sira sei hetan koñesimentu atu bele orienta komunidade ho informasaun ne’ebé mak relevante.
Ministra Finansas akresenta, dadus hirak ne’e, sei ajuda suku sira kompara sira-nia progresu ne’ebé mak halo iha kada tinan, liuhosi programa ne’ebé mak implementa hosi Orsamentu Jerál Estadu (OJE) inspira kompetisaun ne’ebé mak saudável no kolaborativu katak, suku ida bele haree informasaun kona-bá suku seluk, nomos liu-liu hatene kona-bá informasaun iha suku rasik, hodi nune’e bele halo planu ida ne’ebé di’ak, hodi bele lori duni programa ida ne’ebé bele fó benefísiu ba povu.
Bazeia ba rezultadu relatóriu sensu tinan 2022, númeru populasaun iha Timor-Leste (TL) aumenta ba 1,341,737 kompara ho númeru populasaun iha sensu tinan 2015 nian ne’ebé ho totál populasaun 1,183,643.
Projetu sensu 2022 ne’e, Institutu Nasionál Estatístika, MF nian hetan tulun hosi instituisaun Estadu sira seluk, Ajénsia Nasoens Unidas ho ONG sira, nomos apoiu tékniku no finanseiru hosi parte UNFPA, UNDP, Unicef, WFP no UN Women.
Iha ámbitu lansamentu Sensu Fó Fila-Fali 2022 ne’e, S.E PM entrega mos rezultadu relatóriu ba lideransa komunitária sira no iha mos aprezentasaun rezultadu Sensu Fó Fila-Fali 2022 hosi INE-MF nian.
Share on Social Media:
