Viqueque, 05/07/2024, , Prezidente Komisaun Ezekutiva BTL, E.P, Eng. Carlos Peloi dos Reis, akompaña Diretór DEI BTL, E.P, Jestór Infraestrutura BTL, E.P ho engeñeiru BTL, E.P, enkontru ho kordenadór BTL, E.P Viqueque ho funsionáriu sira, enkontru ne’e rasik hala’o iha edifísiu BTL, E.P, Viqueque.
Iha enkontru ne’e, Prezidente Komisaun Ezekutiva BTL, E.P, apresia no parabeniza kordenadór ho funsionáriu sira nia kontribuisaun no dedikasaun tomak iha 2023, ne’ebé hatudu progresu mudansa boot kompara ho tinan 2022.
“ Ha’u akompaña ita boot sira nia servisu loron-loron, ne’ebé kada fulan hare husi relatóriu ne’e, iha progresu nafatin, tamba ne’e husu ba boot sira kontinua halo servisu ho prestasaun di’ak, hodi mellora sistema ezistente, kontinua lori bee ba komunidade sira no rekolla reseita ba kofre estadu”.
Iha fatin hanesan, Kordenadór BTL, E.P munisípiu Viqueque, agradese ba superior BTL, E.P, tamba bele responde ona pedidu, liga ba rekursu umanu menus, atu halo servisu iha terrenu, maibé dadaun ne’e funsionáriu sufisiente ona, atu bele halo servi populasaun sira iha munisípiu viqueque.
Share on Social Media:
