Díli, 17/10/2022, Prezidente Komisaun Ezekutiva BTL, E.P, Eng. Carlos Peloi dos Reis, hetan vizita kortezia hosi Resident Country Director Millennium Challenge Coorporation (MCC), sra. Gigi, ho Program Officer sra. Justine Hufford, ne’ebé hetan akompanamentu husi ekipa CDT-TL, hodi hala’o enkontru iha edifísiu BTL, E.P, Caicoli.
Objetivu husi vizita ne’e, Residence Country Director Sra. Gigi no program officer sra. Justine Hufford, introduz aan ba Prezidente Komisaun Ezekutiva BTL, E.P, tamba tuir planu Residence Country Director MCC sei mai fali Timor-Leste iha tinan oin, hodi hala’o servisu iha ne’e.
Iha sorumutu ne’e, Resident Country Director Millennium Challenge Coorporation (MCC), sra. Gigi, hanesan vizita ba dahuluk nian, atu koordena servisu ho instituisaun relevante sira, atu halo preparasaun ba estabelesimentu Millennium Chalenge Coorporation Account Timor-Leste, ne’ebé sei responsabiliza ba implementasaun programa kompaktu iha Timor-Leste.
Resident Country Director MCC ho nia programa officer sei stadia iha Timor-Leste durante semana rua.
Share on Social Media:
