Díli, 26/09/2022. Prezidente Komisaun Ezekutiva BTL, E.P, Eng. Carlos Peloi dos Reis, hamutuk ho membru governu partisipa reuniaun plenária ordinária iha parlamentu nasionál.
Governu partisipa iha plenaria ne’e, hodi diskute kona-bá proposta husi governu, ne’ebé husu Parlamentu Nasionál atu halo aprovasaun ba proposta relasiona ho akordu entre governu Timor-Leste ho Millennium Challenge Corperation (MCC), hodi fo biban ba governu atu kontinua servisu ba faze tuir mai.
Millennium Challenge Corparation (MCC), sei apoia ho orsamentu Millaun 420, nune’e mos governu Timor-Leste investe mos orsamentu 64 millaun, hodi dezenvolve saneamentu, drenajen, no mos iha setór edukasaun.
Governu husu Parlamentu Nasionál, atu aprova ba proposta refere, nune’e lori ba Prezidente Repúblika Demokrátika Timor-Leste, hodi hetan promugasaun.
Iha oportunidade ne’e, Prezidente K.E B TL, E.P esplika, orsamentu hirak ne’e, sei investe iha komponente ida mak harii estasaun tratamentu, bee foer iha área Bebonuk, Komponente ida mak kria fabríka ida, hodi halo tratamentu ba bee moos no komponente ida tan mak sei fokus ba área drenajen sira asosiadu ba kanu transimisaun ba bee foer nian.
Enkuantu diskusaun entre governu no parlamentu nasionál, sei kontinua hikas halo diskusaun ba proposta ne’e, iha loron tolu fulan outubru, tinan ne’e.
Share on Social Media:
