Díli, 07/10/2022, Prezidente Komisaun Ezekutiva BTL, E.P, Eng. Carlos Peloi dos Reis, partisipa serimónia lansamentu konserva bee, nune’e labele fo risku ba ema nia moris, atividade ne’e rasik hala’o iha Metiaut.
Prezidente ANAS, I.P hatete, objetivu husi konservasaun bee no rai ida ne’e, hanesan opsaun mitigasaun klimatika, atu hamenus risku inundasaun bo’ot iha tempu udan.
Nune’e mos atu konserva bee, ho maneira hamenus bee iha tempu udan, liu-liu iha mota, atu reduz bee labele sulin lalais ba tasi, mak hada fatuk no rai tau iha karon, hodi hada iha mota laran, nune’e bee sulin bele la’o normal, hodi labele ameasa ba inundasaun iha tempu udan.
Iha fatin hanesan Vise-Primeiru Ministru informa, Polítika ne’e di’ak tebes, tamba bele konserva bee, liu husi maneira ida ne’e, atu bee bele halo filtrasaun tun ba rai okos.
Vise-Primeiru Ministru hatutan, komponente tolu mak importante liu, hanesan bee, rai no ai, tamba ne’e ita ema la halo jestaun di’ak, mak sei fo dezastre bo’ot ba ita rasik.
Governante ne’e akresenta, bee matan importante tebes tebes, atu halo konservasaun, tamba ne’e persija halo jestaun ho di’ak, ne’ebé sei fo benefisiu pozitivu ba ema nia moris, maibé la halo jestaun di’ak, mak nia sei lori dezastre ba ema nia moris loron-loron.
Share on Social Media:
