Díli, 18/04/2023, Prezidente Komisaun Ezekutiva BTL, E.P, Eng. Carlos Peloi dos Reis, akompaña husi Ekipa Project Manager Unit (PMU), hala’o enkontru ho Banku Mundiál, iha Salaun MOP, Caicoli.
Iha enkontru ne’e, kompostu husi BTL, E.P, AND, I.P, ANLA, I.P, ANAS, I.P no Instituisaun relevante sira, hodi atualiza progresu kona-bá projetu Melloramentu Sistema Bee Moos iha Munisípiu Baucau nian, ne’ebé dadaun ne’e iha hela AND, I.P.
Prezidente Komisaun Ezekutiva BTL, E.P, husu ba entidade sira hotu, ne’ebé halo parte ba prosesu projetu ne’e, kontribui hotu, atu halo aproximasaun ho komunidade sira, nune’e projetu ida ne’e implementa bele la’o ho di’ak.
Líder maxímu ne’e afirma, projetu ida ne’e sei benefisia ba populasaun, tamba ne’e kontinua servisu hodi lori bee ba komunidade sira.
Share on Social Media:
