Díli/14/05/2024, Prezidente Komisaun Ezekutiva BTL, E.P, Eng. Carlos Peloi dos Reis no Prezidente EDTL, E.P ho ekipa akompaña S.E Ministru Obras públikas, Samuel Marçal, hala’o enkontru ho S.E Ministru Transporte no Komunikasaun, Miguel Marques Gonçalves Manetelu no S.E Ministru Planeamentu no Investimentu Estratéziku, Gastão Francisco de Sousa, iha Ministériu Planeamentu no Investimentu Estratéziku, Hudi Laran.
Objetivu husi enkontru ne’e, ministériu tolu ne’e, hanesan responsavel liu-liu ba setór importante sira liga ba infraestrutura, nune’e liu husi sorumutu ne’e, atu halo liña kordenasaun sektoriál, hodi halo aprezentasaun iha atividade Timor-Leste’s ongoing Development Partners Meeting (TLDPM).
Eventu ida ne’e, sei foka liu ba área esensiál sira hanesan, iha Setór Sosiál, Ekonómia, Infraestrutura no Instituisaun, ne’ebé maka sei realiza durante loron tolu, hahu iha 15-17 fulan maio tinan ne’e.
Share on Social Media:
