Díli, 10/05/2024, Vise-Prezidente Komisaun Ezekutiva BTL, E.P, ba Asuntu Sistema Bee Saneamentu no Drenajen, Gustavo da Cruz, akompaña S.E Ministru Obras Públikas, Samuel Marçal, ho ekipa Brigada Intervensaun Rapida (BIR), hodi ba observa direita Projetu Alargamentu Estrada no Drenajen, iha área Ai-Mutin, Ai-Tarak Laran no Kasnafar.
Projetu alargamentu estrada ida ne’e, ba futuru, atu reduz engrafamentu no hadi’a drenajen hirak ne’e, atu evita mos inundasaun iha kapitál Díli, tamba durante ne’e, akontese bebeik inundasaun, wainhira iha tempu udan, maibé ffinaliza projetu drenajen sira ne’e, sei bele absolve bee, hodi lao tuir nia dalan ba too iha tasi.
S.E Ministru Obras Públikas ho ekipa BIR observa mos Eskola Sekundária Finaltil, ne’ebé dala barak iha tempu udan, akontese mos bee nalihun iha aredores eskola refere, nun’e S.E Ministru Obras Públikas sei kordena ho Ministériu Kompetente hodi bele hare kestaun ne’e. Membru governu ne’e hatete, tenki kria kondisaun propriu ba fonsa’e sira, tamba sira maka aban bainrua atu kontinua dezenvolve nasaun no lori rai ne’e ba oin.
Share on Social Media:
