Manufahi, 05/01/2023, Tékniku Opreadór (TO), Bee Timor-Leste, Empreza Públika (BTL, E.P) munisípiu Manufahi halo kontrolu ba liña distribuisaun bee no konsege identifika kanu distribuisaun ida hetan estragus, iha área Barki, postu-administrativu Same, munisípiu Manufahi.
Tuir informasaun hosi BTL, E.P Manufahi katak, kanu distrbuisaun estraga ne’ebé deskonfia ema deskoñesidu mak halo aat, provoka bee sulin estraga iha fatin refere, nune’e parte BTL, E.P Manufahi hato’o ona keixa ba parte seguransa PNTL munisípiu Manufahi nian.
Hafoin hato’o informasaun ne’e ba polísia, tékniku sira mobiliza materiál hodi halo intervensaun kanu estragus ne’e no servisu ne’e hadi’a liña distribuisaun rasik akompaña mos hosi parte seguransa nian.
Hafoin remata reparasaun, rezultadu sirkulasaun bee la’o normál fila-fali, alende ne’e, bolu atensaun ou halo kedas xamada atensaun ba komunidade sira ne’ebé hela besik iha área ne’e. atu labele sobu ou estraga sistema bee moos ne’ebé instala ona iha fatin refere, atu nune’e, bele garante nafatin fornesimentu bee ba konsumidór sira, ne’ebé durante ne’e asesu bee hosi liña distribuisaun refere.
Share on Social Media:
