Díli, 17/08/2022. Prezidente Komisaun Ezekutiva (K.E) Bee Timor-Leste, Empreza Públika (BTL, E.P), Eng. Carlos Peloi dos Reis, akompaña hosi I Vise- Prezidente Komisaun Ezekutiva (K.E) Bee Timor-Leste, Empreza Públika (BTL, E.P), hala’o enkontru ho ekipa Ministériu Planeamentu no Ordenamentu (MPO) no COWI. Enkontru ne’e realiza iha edifísiu BTL, E.P, Caicoli.
Objetivu hosi enkontru ne'e maka ekipa COWI mai aprezenta Team líder foun ne'ebé sei halo servisu iha Timor-Leste (TL).
Aleinde ne'e, iha enkontru refere, ekipa COWI mós husu ba BTL, E.P, kona-bá planu mestre iha munisípiu sira hanesan Aileu, Liquiça, Ermera, Covalima, Ainaro no Bobonaro nian, nomós saída mak COWI bele kontribui.
Iha oportunidade ne’e, prezidente K.E BTL, E.P informa ba ekipa COWi ho klaramente katak, relasiona ho planu mestre ba munisípiu neen ne’e, kona-bá nia finansiamentu ba Detailed Engeneering Design (DED), hosi Banku Mundiál, maibé COWI bele apoia mak iha reasentamentu no estudu ba impaktu ambientál.
Iha diskusaun ba asuntu hirak ne’e, parte rua iha ona konkordánsi,a atu lori ba Steering Committee, ne’ebé lidera hosi Vise-Primeiru-Ministru, mak sei foti desizaun ba asuntu ne’e.
Share on Social Media:
