Díli, 05/08/2024, Prezidente Komisaun Ezekutiva BTL, Eng. Carlos Peloi dos Reis, Vise-Prezidente Komisaun Ezekutiva BTL, E.P, ba Asuntu Boa Governasaun no Fornesimentu Institusional, Elizabeth Amaral, hetan vizita kortezia hosi Diretora Gender and Social Inclusion, MCC Washington, enkontru ne’e rasik, realiza iha Salaun Enkontru Komisaun Ezekutiva BTL, E.P, Caicoli.
Objetivu hosi reuniaun ne’e, Diretora Gender and Social Inclusion ho ekipa, atu buka informasaun kona-bá mobilizasaun projetu, ne’ebé sei implementa iha Timor-Leste. Nune’e mos ekipa atu avalia, oinsa bele explora kapasidade instituisaun BTL, E.P, hodi halo promosaun ba feto sira nia karreira iha dezenvolvimentu setór bee.
Share on Social Media:
