Ermera, 02/08/2024, Prezidente Komisaun Ezekutiva BTL, E.P, Eng. Carlos Peloi dos Reis, Vise-Prezidente Komisaun Ezekutiva BTL, E.P, ba Asuntu Sistema Bee Saneamentu no Drenajen, Gustavo da Cruz, Diretór Diresaun Engeñaria no Investimentu BTL, E.P, Diretór Operasaun no Manutensaun BTL, E.P, akompaña hosi Engeñeiru, kordenador BTL, E.P Munisípiu Ermera no Funsionáriu BTL, E.P destakadu iha Ermera, hala’o vizita urjente ba kondisaun infraestrutura Intake Bee Matan Humboe, Suku Humboe, Postu Administrativu Ermera.
Ekipa lidera hosi Ezekutivu BTL, E.P ba observa direita Intake refere, tamba dala barak iha tempu udan, kondisaun iha Intake Bee Matan Humboe, hetan estragus bebeik, ne’ebé orejudika hodi halo distribuisaun bee ba komunidade sira, iha postu Gleno.
Hosi prejensa komisaun ezekutiva ne’e, orienta diretór no engeñeiru sira, atu halo dezeñu ba Intake refere, atu bele hadi’a infraestrutura ho adekuadu, nune’e fornesimentu bee moos ba populasaun iha postu gleno, bele kontinua la’o ho di;ak, hodi responde ba abitante sira nesesidade loron-loron.
Hafoin vizita Intake, ezekutivu ho ekipa kontinua ba vizita ka observa mos Tanke Rezervatóriu no Tanke Distribuisaun. Iha observasaun ne’e Tanke Rezervatóriu sei persija halo reabilitasaun ba moru protesaun no mos bele taka tankae rezervatóriu nia leten, nune’e distribui bee ba komundade sira, bele garante nafatin kualidade bee no seguru.
Ekipa mos ba hare rai, ne’ebé maka parte Terras Proriedade entrega ba BTL, E.P, atu bele konstrui edifísiu iha futuru.
Iha biban ne’e mos Prezidente Komisaun Ezekutiva BTL, E.P, agradese ba kordenadór ho nia funsionáriu sira, tamba halo servisu hasoru dezafiu oi-oin, maibé kontinua nafatin serví povu iha Gleno. Husu mos funsionáriu sira hadi’a sistema ezistente, nune’e sistema bee kobre ba komunidade sira, ne’ebé seidauk asesu bee.
Ikus liu lidér BTL, E.P ne’e husu mos ba funsionáriu sira, bele halo servisu, maibé kuida nafatin saúde, hodi serví povu no mos atende família sira nesesidade uma laran.
Share on Social Media:
