Ermera, 10/10/2024, Prezidente Komisaun Ezekutiva BTL, E.P, Eng. Carlos Peloi dos Reis, hala’o enkontru ho kordenadór BTL, E.P Munisípi Ermera ho ekipa, enkontru ne’e rasik hala’o iha Edifísiu BTL, E.P, Ermera Villa.
Iha enkontru ne’e, Prezidente KE BTL, E.P, husu no enkoraja nafatin funsionáriu sira, atu kontinua mantein ho ispritu pozitivu, atu servi komunidade sira iha Ermera, liga ba bee moos, tamba ne’e, hatudu nafatin badinas ho prestasaun di’ak, hodi lori bee ba populasaun sira, ne’ebé seidauk asesu bee.
“Hanesan imi hotu rona ona informasaun, ita governu liu hosi Konsellu Ministru Ezonera ona ha’u hosi kargu nu’udar Prezidente Konsellu Administrasaun BTL, E.P, hodi nomeia fali Atual Vise-Prezidente KE BTL, E.P, Sr. Gustavo da Cruz, hodi assume fali pasta hanesan Prezidente Konsellu Administrasaun, hahu iha loron 1 novembru 2024, maske ha’u iha liur maibé ba Timor-Leste nia di’ak, ita hotu kontinua servisu hamutuk, kontribui nafatin, hodi dezenvolve di’ak liu tan setór bee no saneamentu, ne’ebé asesivel ba ita nia povu”.
Ezekutivu ne’e mos husu ba ekipa destakadu iha Ermera, atu apoia servisu hotu-hotu no lao tuir orientasaun ba superior, wainhira Ezekutivu foun lidera fali instituisaun BTL, E.P ne’e rasik.
Iha biban ne’e, Kordenadór reprezenta funsionáriu destakadu Ermera, hato’o agredesimentu wa’in tebes ba Prezidente KE BTL, E.P ho Vise-Prezidente KE BTL, E.P nain rua, tamba bele fo nafatin korajen hodi kontinua hala’o servisu loron-loron.
Share on Social Media:
