Díli, 14/10/2022, Prezidente Komisaun Ezekutiva (K.E) Bee Timor-Leste, Empreza Públika (BTL, E.P), Eng. Carlos Peloi dos Reis hamutuk ho II Vise-Prezidente K.E BTL, E.P, akompaña hosi Diretór Enjeñaria no Investimentu (D.E.I), hala’o vizita ba Díli Water System Emergency Repair Program (DWSERP), iha bee matan Mutudare.
Objetivu hosi vizita ne’e, atu haree progresu servisu fizíku iha terrenu, ne’ebé implementa hosi kompañia RMS.
Projetu ne’e rasik, finansia hosi DFAT, ho orsamentu dollar Australia millaun 6, ne’ebé mai ho pakote ida, hodi mellora Sistema Bee Moos iha Mutudare no Tohumeta.
Iha parte Tohumeta nian, kompañia RMS mellora sistema bee, iha sesaun I no sesaun II besik finaliza ona, tamba ne’e tuir informasaun katak, semana oin bele entrega ona ba BTL, E.P.
Wainhira projetu ne’e remata, Sistema funsiona ho di’ak, sei distribui bee ba komunidade sira iha Díli, hodi bele uza ba nesesidade loron-loron.
Share on Social Media:
