Díli, 10/10/2022, Prezidente Komisaun Ezekutiva BTL, E.P, Eng. Carlos peloi dos Reis, Akompaña husi I Vise-Prezidente Komisaun Ezektuiva BTL, E.P, no II Vise Prezidente Komisaun Ezekutiva BTL, E.P, hala’o Audiénsia Públika ho Komisaun E trata asuntu infraestrutura iha parte dader, nune’e mos iha parte loraik audensia ho komisaun c trata asuntu finansas públikas, ne’ebé hala’o iha Parlamentu Nasionál.
Iha audensia ne’e, Prezidente Komisaun Ezektuiva BTL, E.P halo aprezentasaun ka esplika kona-bá servisu BTL, E.P, durante ne’e ba deputadu/a husi komisaun C no E nian.
Prezidente K.E BTL, E.P hatete, maske BTL, E.P halo hela servisu ho esforsu, maibé komunidade sira kontinua halerik ba bee moos iha fatin, liu-liu iha kapitál Díli.
Problema saída mak komunidade sira seidauk bele asesu bee moos, tamba durante tinan naruk ne’e, governu la investe orsamentu bo’ot iha bee no saneamentu.
Problema seluk mak komunidade balun, laiha konsiensia hodi halo ligasaun bee ilegál rihun tolu nulu, atus lima, nune’e mos tau bomba no sanyo, hodi fo impaktu ba presaun bee, ne’ebé rezulta bee labele to’o ba ema seluk.
Ho problema sira, ne’ebé identifikadu ne’e, BTL, E.P halo ona esforsu, hodi mellora sistema bee moos ezistente, alemde ne’e, BTL, E.P rasik promove projetu melloramentu sistema bee moos no promove projetu konstrusaun sistema bee moos, iha kapitá munisípiu, Postu administrative sira no ba área rural.
Hafoin BTL, E.P eziste kuaze promove ona projetu melloramentu sistema bee moos no sistema konstrusaun bee moos hamutuk sia nulu resin lima, ne’ebé dadaun ne’e implumenta hela, nune’e mos iha projetu rua nulu resin hat mak sei iha prosesu aprovizionamentu, espera iha fulan ikus ba tinan ne’e projetu hirak ne’e, bele promove hotu ona.
BTL, E.P mos simu projetu sira iha tempu DGAS nian ualu nulu resin, ne’ebé BTL, E.P kontinua superviziona, ne’ebé projetu maioria finaliza ona.
Ho preokupasaun bee moos komunidade nian, liu-liu iha kapitál Díli, tamba ne’e iha kapitál Díli iha parte leste, sei mellora sistema bee moos orsamentu millaun 121, mai husi Banku Mundial ho imprestimu.
Nune’e mos ADB sei finansia ho orsamentu millaun 127, ne’ebé finansia hodi mellora sistema bee moos iha Díli oeste, ne’ebé iha tempu badak sei asina mos akordu, hodi bele hakat ba faze tuir mai.
Bee moos fonte prinsipal ida ba ema nia moris, tamba ne’e mak BTL, E.P kontinua esforsu hodi mellora sistema bee moos iha Munisípiu Baucau, Viqueque, Lautém no Manufahi, ne’ebé sei finansia ho orsamentu imprestimu husi Banku Mundial, ba munisípiu sira seluk, iha hela faze planu mestre.
Share on Social Media:
