Díli, 24/02/2023, I Vise-Prezidente Komisaun Ezekutiva (KE) Bee Timor-Leste, Empreza Públika (BTL, E.P) Sr. Gustavo da Cruz, partisipa iha seremónia aniversáriu ezisténsia Komisaun Anti Korrupsaun (CAC, sigla portugés) nian ba dala-13, iha salaun Laline CNE, Colmera.
Objetivu hosi selebrasaun ezisténsia CAC nian ne’e, atu Timoroan sira liu-liu servidór povu reflete kontinuidade esforsu nível Estadu tomak ba prevene no kombate korrupsaun iha Timor-Leste (TL), hasa’e partisipasaun ativu Timoroan hotu nian iha luta kolletivu ba prevene no kombate korrupasaun.
Iha selebrasaun ezisténsia CAC nian iha tinan ida ne’e, ho tema “Esforsu Kolletivu ba Luta Kontra Korupsaun iha Timor-Leste (TL): Iha ne’ebé no atu bá ne’ebé”. No iha biban ne’e mos lansa ofisialmente Relatóriu Prelimináriu Survey Persepsaun Públika kona-bá Korrupsaun iha Timor-Leste no Sistema Arolamentu Deklarasaun Rendimentu Bens no Interese.
Alende ne’e, parte tékniku CAC nian, halo mos aprezentasaun relatóriu Survey Persepsaun Públika kona-bá Korrupsaun iha Timor-Leste no Arolamentu Online Relatóriu Prelimináriu, hafoin fó tempu ba partisipante sira husu perguntas no observasaun ligadu ho aprezentasaun refere.
Entidade sira ne’ebé partisipa iha selebrasaun aniversáriu ezisténsia CAC nian ne’e mak Ministru Justisa (MJ), Reprezentante hosi Ministériu relevente sira, TR, PJR, SNI, PCIC, AMD, CNE, Institutu Públiku, Empreza Públika, Parseiru Internasionál, Sosiedade Sivil, funsionáriu CAC no konvidadus sira seluk.
Share on Social Media:
