Díli, 01/06/2022, I Vise-Prezidente KE BTL, E.P Partisipa iha enkontru Steering Group hodi ko’alia kona-bá Programa Bee ba Feto no organiza husi WaterAid, ne’ebé hala’o iha salaun enkontru Hotel Novo Turismo, Lecidere, Díli.
Objetivu husi enkontru Steering Group ne’e, hodi atualiza progresu implementasaun kona-bá Programa Bee ba Feto ba membru sira ne’ebé hola parte iha Steering Group ne’e.
Durante iha ekontru ne’e, ekipa WaterAid halo mos aprezentasaun relasiona ho servisu ne’ebé durante ne’e sira hala’o ona iha terrenu, atu nune’e, membru sira bele fó komentáriu (feedback) relasiona ho aprezentasaun refere.
Country Director WaterAid Timor-Leste, hatete hafoin aprezentasaun husi ekipa WaterAid, iha komentáriu lubuk ida, husi membru Steering Group sira.
Tuir Country Director WaterAid Timor-Leste katak iha feedback balun husi BTL, E.P kona-bá fó apresiasaun ba programa, oinsa mudansa advokasia kolaborasaun sosiedade sivil ho governu ne’ebé forte no di’ak, liu-liu iha ba área bee, saneamentu no ijiéniku nomos progresu ijiéniku ne’ebé la’o iha Manufahi no Liquiça no Country Director WaterAid konsidera ida ne’e hanesan feedback ne’ebé di’ak no pozitivu husi membru Steering Committee sira.
Projetu kona-bá Programa Bee ba Feto ne’e, implementa husi WaterAid no Care International no nia parseiru sira, projetu ne’e, hetan apoiu husi governu Austrália liu husi DFAT, ho fundus por volta Dolar Amerikanu millaun 5.5 ($5.5 millaun), ne’ebé implementa iha munisípiu rua hanesan Manufaho no Liquiça, ho durasaun tempu tinan lima (5), hahú husi tinan 2018 no sei remata iha fulan Dezembru tinan 2022 ne’e.
Share on Social Media:
