Díli, 15/11/2022, Prezidente Komisaun Ezekutiva (K.E) Bee Timor-Leste, Empreza Públika (BTL, E.P) Eng. Carlos Peloi dos Reis, enkontru ho ekipa hosi Ministériu Planu no Ordenamentu (MPO) nomos COWI, iha sala reuniaun Ezekutivu, edifísiu sentrál BTL, E.P, Caicoli, Díli.
Objetivu hosi enkontru ne’e, hodi haree kona-bá termu referénsia (ToR) ne’ebé mak konsultór sira prepara ona, ida ne'e tuir ona padraun internasionál ka seida'uk, atu nune'e bele avansa ba faze dezeñu detalladu (Detailed Engineering Design-DED), kona-bá projetu Bee no Saneamentu ne’ebé sei implementa ba iha kapitál munisípiu neen, hanesan munisípiu Aileu, Ermera, Liquiça, Ainaro, Bobonaro no Covalima.
Enkuantu Planu Mestre ba projetu ne’e, finaliza ona, no dadaun ne’e konsultór sira hosi Água de Portugal (AdP) no JKC joint venture ho PT Bemako prepara hela ToR hodi hakat ba faze DED, molok implementa projetu hirak ne’e.
Share on Social Media:
