Díli, 26/06/2023, Jestór Departamentu MoI, hosi Diresaun Enjeñaria no Investimentu (DEI) Bee Timor-Leste, Empreza Públika (BTL, E.P) ho ekipa akompaña tékniku kompañia nian ne’ebé hala’o hela servisu cor moru protesaun (retainig wall), ba faze datoluk nian ou faze ikus nian, iha Bemos, área Kasnafar. Maibé molok atu cor retainig wall ne’e, tékniku/enjeñeiru hosi MoI BTL, E.P hala’o uluk slump test.
Ekipa MoI BTL, E.P akompaña ou monitoriza obra fíziku iha terrenu ne’e, ho ojetivu hodi garante kualidade projetu ne’e rasik, nune’e wainhira finaliza bele dura to’o tempu naruk. No servisu ne’e rasik, hetan mos akompañamentu hosi enjiñeiru no Diretór kompañia implementadór nian.
Hafoin observasaun servisu iha terrenu, ekipa MoI relata projetu fíziku ba retaining wall nian, kompañia implementadór finaliza ona. Tanba ne’e, kompañia refere sei kontinua halo servisu seluk hanesan monta gabiaun (gabion), nune’e bele proteje liña transmisaun ne’ebé instala atravesa ou liuhosi mota iha parte Casnafar nian, hafoin kompañia mos sei troka pipe ne’ebé hetan estragus hosi inundasaun.
Konstrusaun ba moru protesaun ne’e, atu proteje kanu transmisaun ne’ebé daudaun ne’e iha risku, tanba liña transmisaun refere iha mota ou instala besik mota, nune’e wainhira udan no mota boot sei fó risku ba kanu refere, tanba ne’e ho konstrusaun moru protesaun ne’e, hodi evita estragus boot/sériu iha futuru.
Enkuantu kanu transmisaun refere mak fornese bee ba rezervatóriu iha WTP Central no Manleu nian, hodi distribui fila-fali ba komunidade sira ne’ebé durante ne’e asesu bee hosi WTP rua ne’e.
Projetu Díli Water System Emergency Repair, Bemos section 3 ne’e, nia kustu mai hosi Fundus Infraestrutura (FI) ho montante $ 304,101.74. Projetu refere pakote ida, ne’ebé kompostu hosi servisu Reaining Wall, Riverbed, Gabion, Sosa no Monta Poly Pipe nomos Valves, Fittings & Tieins.
Projetu Díli Water System Emergency Repair, Bemos section 3 ne’e, implementa hosi kompañia Rainance Unipessoal Lda ho durasaun tempu fulan neen.
Share on Social Media:
