Díli, 14/07/2025, Ekipa jogadór femenina Bee Timor-Leste Empreza Públika (BTL, E.P) ne’ebé sai kampeaun ba jogu BNCTL CUP tinan 2025, entrega taxa BNCTL CUP 2025 nian ba Komisaun Ezekutiva BTL, E.P, iha Caicoli.
Molok entrega taxa ne’e ba Komisaun Ezekutiva BTL, E.P, kapitaun jogador fenemina BTL, E.P hatete, ohin, ekipa mai entrega taxa ne’ebé manan hosi jogu BNCTL CUP 2025 nian nomos relata osan primeiru lugár nian ho montante Dolar Amerikanu rihun lima ($ 5,000.00) ba Prezidente no Vise-Prezidente nain rua no medalla tolu ba Prezidente KE BTL, E.P, Vise-Prezidente KE BTL, E.P ba Asuntu Tékniku no Vise-Prezidente KE BTL, E.P ba Asuntu Korporativu.
Iha biban ne’e, Prezidente KE BTL, E.P apresia tebes ba ekipa jogadór femenina nia esforsu durante inísiu jogu to’o iha finál no konsege sai primeiru lugár iha jogu referidu. Ezekutivu BTL, E.P husu atu ekipa nafatin sólidu no sei kontinua fó apoiu ba ekipa jogadór, hodi partisipa iha jogu sira tuir mai.
Atu remata, ekipa jogadór femenina entrega taxa no tara medalla ba Prezidente KE BTL, E.P no Vise-Prezidente BTL, E.P ba Asuntu Tékniku.
Relembra mos katak, iha finál jogu BNCTL CUP 2025 nian, ekipa feto BTL, E.P halakon ekipa feto Telemor ho skor 6 a 2. Nune’e lori ekipa femenina BTL, E.P sai primeiru lugár iha BNCTL CUP tinan 2025.
Ho nune’e, ekipa jogadór femenina BTL, E.P sai ona kampeaun ba dala rua, iha BNCTL CUP tinan 2024 no 2025 nian.
Share on Social Media:
