Lautém, 17/11/2022, Ekipa Nasionál Bee Timor-Leste, Empreza Públika (BTL, E.P) hosi Diresaun Enjeñaria no Investimentu (DEI) akompaña hosi Koordenadór BTL, E.P munisípiu BTL, E.P Lautém ho ekipa foti dadus tékniku foun, iha postu-administrativu Lore, munisípiu Lautém.
Atividade levantamentu dadus hala’o durante loron haat, hahú hosi loron 14 to’o 17 fulan Novemrbu tinan ne’e ho objetivu survey ne’e hodi haree no hatene lokalizasaun rekursu bee ou bee matan ne’ebé sei utiliza iha futuru hodi fornese ba populasaun sira nomos númeru populasaun hira mak iha futuru sei asesu ba sistema ne’ebé BTL, E.P planea atu kanaliza iha postu-administrativu refere nomos BTL, E.P planea atu muda sistema rurál ba sistema urbana, hodi mos instala metru kontadór ba uma kain ida-idak.
Molok tun ba terrenu, ekipa nasionál no munisipál hala’o enkontru koordenasaun ho autoridade lokál sira no sira mos apoia atividade BTL, E.P iha fatin ne’e, hafoin enkontru kontinua halo survey no akompaña hosi ekipa BTL, E.P munisípiu Lautém, Veteranu hanesan mos autoridade lokál, ne’ebé sai hanesan matadalan bá iha bee matan sira.
Enkuantu rekursu bee ne’ebé sei utiliza iha futuru, hodi kanaliza bas uku rua ne’e hanesan bee matan Humina/Hu’umana, Va’a, Uru-Ina no Supalira.
Iha biban ne’e, ekipa foti mos dadus ba sistema ezistente sira hanesan tanke ne’ebé dezeña hosi CVTL, torneira públika, rezervatóriu tuan no foun.
Enkuantu atividade survey ne’e hala’o iha postu-administrativu Lore II hanesan P.A foun no P.A refere eziste suku rua, hanesan Lore I no Lore II.
Share on Social Media:
