Covalima, 09/02/2024. Ekipa Enjeñeiru hosi Departamentu Enjeñaria no Investimentu (DEI) hamutuk ho BTL, EP munisípiu Covalima hatudu ou marka fatin/pontu hirak ne'ebé atu instala liña distribuisaun ba kompañia implementadór, ne'ebé kaer projetu melloramentu sistema fornesimentu bee moos, iha postu-administrativu Suai, munisípiu Covalima.
Bazeia ba dezeñu kompañia sei instala kanu distribuisaun atravesa estrada, nune'e bele liga bee ba abitante sira ne'ebé hela iha estrada sorin, tanba ne'e presiza ko'a estrada hodi hasai aspal atu bele instala kanu hirak ne'e.
Maibe molok ko'a pontu hirak ne'ebé identifikadu, BTL, E.P sei koordena uluk ho MOP, liu-liu Diresaun Estrada nian, atu nune'e, wainhira finaliza instalasaun kanu, bele taka fila-fali estrada refere ho aspal.
Share on Social Media:
