Liquiça 11/06/2025. Hafoin enkontru ho Ezekutivu Bee Timor-Leste, Empreza Públika (BTL, E.P) nian, ohin, Diretór O&M BTL, E.P, Aleixo dos Santos, ekompaña hosi tékniku SOM hamutuk ho misaun ADB nian, Senior Project Officer, Water and Urban Development Sector Office no Lead Project Officer, Timor-Leste Resident Mission, hala’o vizita ba estasaun tratamentu bee fo’er (ETAR, sigla portugés), iha Tibar, munisípiu Liquiça.
Vizita ne’e ho objetivu hodi observa direta kondisaun ETAR no nia funsionamentu loron-loron nian, inklui oinsá atu halo operasaun no manutensaun ba ETAR ne’e.
Vizita ohin iha ETAR ne’e integradu ho bee moos nian, ho nune’e aban, ekipa konjunta ne’e sei kontinua hala’o vizita ou site visit ba fatin ou intake foun iha Railaco. Nune'e mos, iha sexta-feira sei vizita mos intake Tohumeta/Bemos
Share on Social Media:
