Manatuto, 20/10/2022, Ekipa Bee Timor-Leste, Empreza Públika (BTL, E.P) munisípiu Manatuto fahe ba ekipa rua, hodi halo servisu, iha postu-administrativu Manatuto Villa, munisípiu Manatuto.
Tuir informasaun katak, ekipa ida kompostu hosi Koordenadór BTL, E.P munisípiu Manatuto no tékniku operadór nain rua, bá halo monitorizasaun ba servisu ne’ebé kompañia sira halo iha terrenu hanesan monta gabion iha bee matan Weten, hodi asegura ou proteje bee matan refere, wainhira iha tempu udan, bee labele tama ou mota labele sobu bee ne’e.
Enkuntu ekipa ida seluk, kontinua halo manutensaun ba válvula, iha rezervatóriu Saututun ne’ebé la funsiona ka aat, maibé hafoin ekipa sira normaliza válvula ne’e, bee hahú la’o normál no tékniku sira bele distribui hikas bee ba komunidade sira, iha área ne’e.
Share on Social Media:
