Díli, 20/10/2022, Diretór Diresaun Enjeñaria no Investimentu (D.E.I) Bee Timor-Leste, Empreza Públika (BTL, E.P) Sr. Aleixo dos Santos ho ekipa hamutuk ho ekipa hosi Ministériu Obras Públikas (MOP), hosi Diresaun Nasionál Edifikasaun, Ministériu Agrikultura no Peskas (MAP) nomos Ministériu Justisa (MJ) hosi Diresaun Jerál Terras no Propriedades, publika rezultadu survey ba komunidade afetada, iha salaun CNE, Caicoli.
Iha publikasaun relatóriu rezultadu survey ba projetu Dili Urban Water Supply ne’e, konvida mos komunidade afetada sira, hodi rona direta esplikasaun hosi autoridade MOP, MAP no MJ kona-bá sira nia rai, uma no aihoris ne’ebé konsidera afeta direta ba projetu refere.
Objetivu hosi publikasaun rezultadu survey ne’e, hanesan lansamentu ou hodi loke ba públiku, liu-liu ba komunidade afedata ssira, hodi fó tempu durante loron 30 ba sira, hodi halo reklamasaun, wainhira iha rezultadu survey ne’e seidauk kobre hotu komunidade sira-nia Rai, Uma no Aihoris, nune’e sira bele hato’o ou rekomenda fila-fali ba parte relevante sira, hodi bele hadi’a, molok hakatak ba faze tuir mai hanesan pagamentu ou indemnizasaun ba kestaun tolu ne’ebé mensiona ona (Rai, Uma no Aihoris).
Enkuantu komunidade sira ne’ebé afeta hosi Dili Urban Water Supply Project ne’e, hamutuk 69, mai hosi parte Becora, Mascarenhas, Comoro no Villa-Verde, tamba projetu ne’ebé sei implementa iha Díli Leste no Díli Oeste ne’e, hamutuk pakote ualu.
Share on Social Media:
