Manatuto, 07/09/2022, Ekipa tékniku ou enjeñeiru hosi Diresaun Enjeñeria no Investimentu (D.E.I) Bee Timor-Leste, Empreza Públika (BTL, E.P) ne’ebé akompaña hosi BTL, E.P munisípiu Manatuto, iha loron 5 fulan setembru tinan ne’e, halo survey ba rekursu bee ou bee matan, iha postu-administrativu Laclo, munisípiu Manatuto.
Objetivu hosi survey ne’e, hodi identifika ou hatene lokál rekursu bee ne’e rasik, no oinsá atu uza bee matan ne’e, hodi halo konstrusaun sistema bee moos, atu fornese ba komunidade sira, iha postu-administrativu Laclo.
Ekipa D.E.I informa, hafoin tékniku sira halo tiha survey ou identifika tiha rekursu bee hirak ne’e, faze tuir mai, tékniku sira hahú elabora dezeñu no halo estimativa ba kustu, molok implementa projetu sistema bee moos refere.
Tuir planu, tékniku D.E.I ho BTL, .EP munisípiu Manatuto, sei kontinua dezloka ba postu-administrativu Laleia, hodi kontinua halo survey ba rekursu bee, iha postu-administrativu ne’e.
Share on Social Media:
