Ermera, 07/10/2022, Tékniku Operadór (T.O) Bee Timor-Leste, Empreza Públika (BTL, E.P) no traballadór Mão de Obra munisípiu Ermera halo manutensaun ba kanu distribuisaun bee 2” ne’ebé intupidu, iha bairo Erberludu, aldeia Moris Foun, suku Talimoro, munisípiu Ermera,
Kanu distribuisaun bee ne’ebé intupidu ne’e, kauza hosi foer ne’ebé nakonu iha kanu laran, ikus mai hamosu intupidu no difikulta fornesimentu bee ba komunidade sira, iha fatin ne’e.
Tuir informasaun hosi BTL, E.P munisípiu Ermera katak, tékniku no traballadór sira daudaun ne’e halo hela servisu iha terrenu, hodi ke’e no hasai kanu distribuisaun bee Galvanis 2’’ lolon lima, no troka fali ho kanu PE 2” metru 30 (30m).
Hafoin troka tiha liña distribuisaun ne’e, sirkulasaun bee hosi kanu distribuisaun ne’e la’o normál fila-fali no bele fornese hikas bee ba konsumidór sira, iha fatin ne’e.
Durante hala’o servisu iha terrenu, tékniku sira mos uza ekipamentu protesaun PPE ne’ebé mak Departamentu Kontrolu Kualidade no Ambiente (DCQA, sigla portugés) BTL, E.P distribui ona ba munisípiu sira, hodi asegura sira-nia aan hosi risku, wainhira hala’o hela servisu fíziku iha terrenu.
Share on Social Media:
