Díli, 26/08/2022, I Vise-Prezidentre Komisaun Ezekutiva BTL, E.P, Sr. Gustavo da Cruz, akompaña hosi Diretór Diresaun Enjeñaria no Investimentu (D.E.I) ho ekipa hala’o enkontru ho konsultór hosi kompañia JKC Joint Venture ho PT Bemaco ne’ebé mak prepara hela planu mestre ba sistema fornesimentu bee no saneamentu ba munisípiu Aileu, Gleno/Ermera no Liquiça, reuniaun ne’e rasik, realiza iha salaun enkontru edifísiu sentrál BTL, E.P, Caicoli, Díli.
Enkontru ne’e ho objetivu, hodi atualiza ou halo aprezentasaun planu mestre kona-bá abastesimentu bee no saneamentu ba munisípiu munisípiu Aileu, Gleno/Ermera no Liquiça, ne’ebé daudaun ne’e, iha ona faze finál (Draft Final-D5).
Hafoin aprezentasaun hosi konsultór, kona-bá planu mestre ba sistema fornesimentu bee no saneamentu, hetan mos feedback ou komentáriu hosi Sekretariadu Grande Projetu (SGP), Ajénsia Dezenvolvimentu Nasionál (ADN), Autoridade Nasionál Bee no Saneamentu, Institutu Públiku (ANAS, I.P sigla portugés), Ministériu Planu no Ordenamentu (MPO), Autoridade munisípiu nomos hosi Bee Timor-Leste (BTL, E.P) rasik, alende ne’e, entidade sira mos husu dúvidas ou perguntas balun relasiona ho aprezentasaun ne’e, nune’e konsultór sira hatan ba dúvidas hirak ne’e nomos konsultór sira simu no anota hotu komentáriu hirak ne’e, hodi bele kompleta iha relatóriu tuir mai, mak relatóriu finál (Draft Final-D6).
Perante aprezentasaun ne’e, I Vise-Prezidentre K.E BTL, E.P apresia tanba aprezentasaun refere di’ak tebes no faze tuir mai, konsultór sira sei prepara relatóriu finál (Draft Final-D6) molok hakat ba faze daruak nian, dezeñu detalladu (Detailed Engineering Design-DED).
Entidade sira ne’ebé partisipa iha aprezentasaun ne’e, mak reprezentante hosi SGP, ADN, ANAS, I.P, MPO, Administradór munisípiu Liquiça, Koordenadór BTL, E.P munisípiu nomos BTL, E.P rasik.
Share on Social Media:
