Covalima, 02/02/2023, Ekipa Bee Timor-Leste, Empreza Públika (BTL, E.P) munisípiu Covalima, kompostu hosi Tékniku, Ofisiál Finansas no Junior Apoiu Klientetun direta ba terrenu, hodi halo mediasaun ho kliente sira ne’ebé la kontribui selu tarifa bee, iha Zona 1, ne’ebé lokaliza iha aldeia Ahinarai, suku Debos, munisípiu Covalima.
Ekipa BTL, E.P identifika katak, kliente sira ne’e la selu tarifa bee durante fulan neen ona, maske sira asesu hela sistema kanalizasaun bee hosi BTL, E.P, tanba ne’e ekipa BTL, E.P tun direta hodi ko’alia no esplika ba kliente, atu nune’e sira bele entende no koopera hodi bele kontribui selu taxa bee.
Durante iha terrenu, ekipa BTL, E.P inform aba kliente sira katak, wainhira sira la konstribui hodi halo pagamentu mak, fulan tuir mai BTL, E.P Covalima sei orienta tékniku sira hodi hakotu sira nia ligasaun bee iha sira nia hela fatin. Tanba tuir regras, konsumidór sira ne’ebé mak asesu ona bee ne’ebé kanaliza hosi BTL, E.P, iha obrigasaun hodi selu taxa.
Tuir informasaun hosi BTL, E.P Covalima katak, durante iha terrenu, kliente sira koopera di’ak ho ekipa BTL, E.P no sira mos selu ona tarifa bee. Alende ne’e, ekipa hosi BTL, E.P informa kedas ba konsumidór sira, wainhira to’o fulan, sira bele hakat ba edifísiu BTL, E.P nian hodi halo pagamentu no kliente sira iha fatin ne’e mos promote, iha fulan tuir mai, sira sei bá selu iha direta ba edifísiu BTL, E.P nian.
Share on Social Media:
