Díli, 13/09/2022, Hafoin ekipa hosi Diresaun Enjeñaria no Investimentu (D.E.I) BTL, E.P lori kompañia sira ba hala’o site visit bá iha fatin ba projetu Konstrusaun Fornesimentu Sistema Bee Moos no Fornesimentu Instalasaun Tanke Rezervatóriu Bee Moos, iha postu-administrativu Zumalai Villa, munisípiu Covalima. ohin loron 13 fulan setembru tinan ne’e, ekipa téknika hosi parte Aprovizionamentu hamutuk ho D.E.I BTL, E.P hala’o Prebid Meeting ho kompañia sira, iha salaun enkontru edifísiu sentrál Caicoli, Díli.
Prebid Meeting ne’ebé hala’o iha parte dader nian mak hamutuk ho kompañia sira ne’ebé partisipa iha prosesu tenderizasaun ba parte Konstrusaun Fornesimentu Sistema Bee Moos nian. No Prebid Meeting ne’e rasik, hodi ko’alia kona-bá prosesu kontinuasaun hosi site visit ne’ebé antes ne’e, ekipa D.E.I lori kompañia sira bá hala’o iha terrenu, relasiona ho projetu Konstrusaun Sistema Bee Moos, ba iha postu-administrativu Zumalai Villa, munisípiu Covalima.
Alende ne’e, iha parte lokraik, ekipa téknika hosi parte Aprovizionamentu hamutuk ho D.E.I BTL, E.P kontinua hala’o Prebid Meeting ho kompañia sira ne’ebé partisipa iha prosesu tenderizasaun ba pakote Supply & Installation Pre-Fabricated Liner Tank (Pakote Fornesimentu no Instalasaun ba Tanke Rezervatóriu) inklui Fence, ba iha postu-administrativu Zumalai Villa, munisípiu Covalima. Tanke hirak ne’e, ho medida metru kúbliku 60, iha unidade ida (60m3_1 unidade), tanke rezervatóriu ho metru kúbliku 100 iha unidade 4 (100m3_4 unidades) no unidade ida tan ho nia kapasidade metru kúbiku 180 (180m3_1 unidade).
Entretantu atividade, Site Visit no Prebid Meeting ne’e, hanesan rekezitu mandatória ida, iha dokumentu konkursu ba projetu konstrusaun no melloramentu sira.
Share on Social Media:
