Díli, 12/09/2022, Hafoin ekipa tékniku/enjeñeiru hosi Diresaun Enjeñaria no Investimentu (D.E.I) BTL, E.P ho kompañia sira remata Site Visit ba projetu Konstrusaun Fornesimentu Sistema Bee Moos, ba iha, postu-administrativu Lolotoe, munisípiu Bobonaro. Nune’e ohin loron 12 fulan setembru tinan 2022 ne’e, ekipa Aprovizionamentu no D.E.I kontinua hala’o Prebid Meeting ho kompañia sira, iha salaun enkontru, edifísiu sentrál BTL, E.P, Caicoli, Díli.
Prebid Meeting ne’e, hodi ko’alia kona-bá prosesu kontinuasaun hosi site visit nian, relasiona ho projetu ba konstrusaun fornesimentu Sistema bee moos ba iha postu-administrativu Lolotoe
Atividade Site Visit no Prebid Meeting ne’e, hanesan rekezitu mandatória iha dokumentu konkursu ba projetu konstrusaun no melloramentu sira.
Alende ne’e, iha parte lokraik, ekipa Aprovizionamentu no D.E.I kontinua hala’o Prebid Meeting ho kompañia sira ne’ebé partisipa iha prosesu tenderizasaun ba Supply & Installation Prefabricated Liner Tank inklui Fence, iha postu-administrativu Lolotoe, munisípiu Bobonaro, unidade ida ho kapasidade metru kúbiku 50 (50m3 1unit) unidade rua ho kapasidade metru kúbiku 25 (25m3 2unit).
Share on Social Media:
