Ermera, 30/09/2022, Ekipa Tékniku ou Enjeñeiru hosi Diresaun Enjeñaria no Investimentu (D.E.I) (T.O) Bee Timor-Leste, Empreza Públika (BTL, E.P), akompaña hosi fasilitadór postu-administrativu Atsabe hamutuk ho kompañia sira ne’ebé partisipa iha prosesu tenderizasaun, iha loron 29 fulan setembru tinan ne’e, hala’o site visit ba projetu Fornesimentu no Instalasaun Pre-fabricated Liner Tank, ne’ebé sei implementa iha postu-administrativu Atsabe, munisípiu Ermera.
Atividade site visit kona-bá Fornesimentu no Instalasaun Pre-fabricated Liner Tank ne’e, durante loron ida ho objetivu hodi lori kompañia 9 ne’ebé partisipa iha prosesu tenderizasaun ba projetu refere, ba vizita no observa direta lokál instalasaun Pre-fabricated Liner Tank esplika dezeñu, atu nune’e, kompañia sira bele hatene ona fatin hirak ne’e, wainhira sira manan iha prosesu tenderizasaun ne’e, sira bele implementa tuir dezeñu ne’ebé mak ekipa BTL, E.P esplika no hatudu ona ba kompañia sira.
Molok tun ba terrenu, hodi hahú atividade site visit ne’e, ekipa D.E.I BTL, E.P ho kompañia sira hala’o uluk enkontru ho autoridade Postu-administrativu Atsabe no lideransa suku sira, hodi halo koordenasaun no introduz mos projetu Fornesimentu no Instalasaun Pre-fabricated Liner Tank ne’ebé sei implementa iha fatin ne’e ba autoridade lokál sira.
Autoridade lokál sira apresia no prontu, atu koopera, hodi garante implementasaun projetu Fornesimentu no Instalasaun Pre-fabricated Liner Tank ne’e, to’o remata ho di’ak, wainhira hakat ba faze implementasaun nian, iha munisípiu refere.
Share on Social Media:
